政情：爭港島上位白鴿黨內戰

民主黨喺下屆立法會地區直選中繼續沿用「N+1」方案，即在現任議員團隊之外再加一隊新人，掛名叫畀新人有機會上位，但睇番已經報咗名嘅名單，都係熟口熟面，情況最妙嘅係港島，○八年民主黨喺呢區勢力萎縮，由兩席變到得番一席，甘威仲要形勢危危乎咁當選，呢個咁惡劣嘅環境，下屆反而最搶手，「<img src='/font/c76d_5nbk.gif' border='0'/>雞」單仲偕同馮煒光齊齊報名，唔通佢哋有鋪落選癮？

第二梯隊馮煒光加入戰團

雞吼實港島，引起黨內議論紛紛，馮煒光就話一直經營開港島南區，雞○八年前仲做緊功能組別議員時曾喺九西開議員辦事處，依家九西無新人報名，但佢捨易取難，參選港島，同兄弟拗手瓜，實有古怪啦。政界分析，原因不外乎兩個。第一，甘威求愛不遂怒炒女助理醜聞纏身，接受立法會調查，就算最後逃過被彈劾落台命運，但要紓解黨內壓力同選民不滿，亦唔係咁易，所以，雞爭港島出線權，真正假想敵唔係馮煒光，而係甘威至真。第二，以前喺港島實力雄厚嘅公民黨被所謂「公投」一鋪打殘，中產選民流失，民主黨諗住隨時有機可乘。

民主黨內嘅第二梯隊上位無路問題咁多年來一直未解決，馮煒光等咗咁多年，今次如果又參選無望，民主黨內民怨更甚，但係，眾所周知，本身係民主黨副主席嘅雞，又係黨內大佬栽培嘅主席接班人，入唔到立法會點有威望呀？分析完一輪，原來形勢都好複雜。

講番立法會對甘威嘅調查，議員雖然做得唔算起勁，但甘威已向調查委員會提交咗書面報告，等下月初委員研究埋份報告之後，就會開始傳召證人，據聞事件女主角王麗珠仲未完全拒絕參與調查，所以黨友會唔會趁甘威病就攞佢命呢？好戲仍然在後頭㗎！