家長怨言：入名校競爭更大
【本報訊】教育局以減班「舊招」欲打救瀕臨被殺的中學，但不少家長擔心做法令「名牌中學」收生競爭加劇，子女成功入讀心儀學校難上加難。
有家長代表更認為，救校方式不止一招，可透過小班教學達至繼續運作的門檻去解決問題，質疑當局是捨難取易，「無理由為方便自己，搵學生同家長開刀！」亦有家長指，措施屬自願性質，部分名牌學校受到家長極大反對減班壓力，建議計劃的成功率成疑。
削弱教育質素
家長聯盟主席陳小珠表明反對減班計劃，擬聯絡各區家教會盡快約見教育局官員。她認為計劃除加劇入讀名牌中學的競爭，間接亦會削弱學校之間的教學質素。她解釋：「個計劃其實保障緊部分學校的收生，學校自己根本唔使透過提升教學質素，增加競爭力去收生。」她又指，當局可考慮以小班教學解決問題，縮班非不二法門，是「純粹方便自己」。
香港東區家長教師會聯會主席趙明認為，計劃「叫做咗啲嘢（幫學校）先，好過一啲嘢都唔做」，但計劃屬自願性，學校要縮班或受家長極大壓力，未必容易通過。他承認計劃必會削弱子女入讀「名牌中學」的機會，當局應教育家長「唔係名牌一定好，最緊要教得好。」沙田區家長教師會聯會會長林小平則估計，計劃或增加跨區選校，甚至入私校的申請，以免「費事到時入得唔好嘅中學。」