錶面拱起 睇得清楚

Joseph話隻錶係近排廣告熱賣產品，售價十二萬幾。佢鍾意隻錶面夠清，仲踢爆太太朱鄧麗萍都有隻鑲滿鑽石嘅情侶錶添！早前朱太同卓妮講佢最鍾意鑲鑽石嘅伯爵錶，原來新潮嘅Cartier佢都受落嘅！

Ballon Bleu系列係Cartier於○七年推出嘅潮款，推出之後便成為至今最好賣嘅系列，今年依然係Cartier重點推介產品。佢最大特色係錶面拱起，貼近手腕嘅弧度設計符合人體構造，所以睇得好清，又戴得舒服。

Joseph話佢屋企好多錶，有愛彼、伯爵、IWC同埋積家等，多到數唔晒！卓妮問佢心中嘅No.1係邊隻，佢好難取捨咁話：「隻隻都好鍾意，鍾意嘅嘢就想擁有㗎啦！」所以佢都唔會賣出去，平時會視乎場合輪住嚟戴嘅！

卓妮