唔少人認為新正頭出入醫院大吉利是，肥胡就百無禁忌，佢帶埋賀年糖果、頸巾、手襪及大桔向病人送暖，小禮物唔值錢，但病人見到主席咁有心，連病痛都暫時放下。肥胡見人就大派笑彈，遇上一位來自福建嘅九十歲婆婆，即時用僅有嘅福建話同對方拜年，轉頭遇見一位講上海話嘅伯伯，就轉頻道以上海話慰問對方。

肥胡仲探望咗癌症患者、病童及四肢癱瘓嘅斌仔，佢話睇見病人受病魔纏繞，自覺健康非必然。初二晚，肥胡仍未停工，趕去紅館聽張敬軒音樂會，咪以為佢去追星，查實當晚部分收入，係為伊利沙伯醫院籌款喎。