大廈僭建或影響樓宇結構，問題近日更引起公眾高度關注。鍾先生指黃大仙環鳳街有一營業多年的地舖，離奇地「攝」於兩幢大廈罅隙間，質疑屬僭建而成，「我喺嗰頭出入成十年，見間舖開過攝影舖、診所，最近仲加埋閣樓添，冧落嚟就死得人多！」

僭建商舖多次易手，最近更出租予花店經營。

土瓜灣環達、環福街的僭建五金舖已無人經營，藏污納垢，影響衞生。

污水長流老鼠為患

無獨有偶，居於土瓜灣落山道的陳先生（化名）亦發現，附近一幢大廈後巷約於十年前已出現懷疑僭建商舖，「個舖喺度起碼十年，一陣做鞋（店）、一陣賣花，轉咗幾次手都仲喺度，咁多年都冇人理。」土瓜灣環達街居民張小姐則說，環達街、環福街一帶有多間僭建地舖，同樣衍生衞生問題，「間舖做五金水電，執咗笠好耐，逢親落雨啲水撇晒入去，然後又再流番啲污水出嚟，仲成日有老鼠捐出捐入，總之冇眼睇。」

就環鳳街兩幢大廈之間出現的兩層高違建物，屋宇署發言人證實已向有關業主發出清拆令，但對於僭建物存在多年而未有執法一事，發言人則未有回應。至於土瓜灣落山道、環達街及環福街的懷疑僭建物，本報於十二月卅日向屋宇署查詢，至截稿前仍未獲回覆。按《建築物條例》規定，未獲批准而於私人土地興建違建物或建築工程，最高刑罰為監禁兩年及罰款四十萬元。

立法會房屋事務委員會主席王國興不滿屋宇署處理僭建進度緩慢，促改變官僚作風，加緊處理，「冇即時危險就可以繼續存在，係咪變相縱容？呢啲灰色地帶要盡快釐清，唔應該再拖。幾時接投訴、幾時發過命令，都要入電腦記低，唔可以再用冇資源嚟推搪。」

建議制訂清拆次序

香港業主會主席佘慶雲則以「三無」（無了期、無定期、無日期）形容當局處理僭建物態度，令業主無所適從，違建者更有恃無恐，「邊啲拆邊啲唔拆，好似亂嚟咁。以前試過有人將大廈消防通道改做舖頭做生意，街坊同屋宇署投訴但唔受理，最終咪火燭搞出人命！」佘要求當局為僭建物制訂清拆次序，「唔合法嘅嘢冇理由畀佢哋無了期存在，唔即刻拆啫，都要排個期去拆㗎！」

■記者 莫麗珊