立法會議員霍震霆幼子霍啟人涉嫌酒後駕駛單嘢，下月初會再審。尋日下晝五點，戴住cap帽嘅啟人由司機揸車代步，到中環萬年大廈落車後獨自上樓，約半小時後落樓。佢見到卓妮影相就全程頭耷耷，不停一路行一路講電話。問佢醉駕單嘢嘅進展同埋日後揸車會唔會有陰影，佢態度好友善，但就咩話都唔想講。
