對於屋宇署昨日指大廈裂縫與打樁無關，不少橡樹樓居民均表反對。業主立案法團主席袁先生批評，當局昨日查驗馬虎：「根本好多單位有新裂痕，屋宇署都冇睇到。」他透露，疑涉事地盤前身為建於八十年代的恒生大角咀大廈，當年建地庫保管庫時，疑因打樁影響，出現目前所見的裂痕，但只有六吋闊，屋宇署也有相關紀錄。

袁續稱，去年該廈被收購拆卸，改建廿六層高酒店，至兩周前開始撞擊式打樁，連日來收到多名居民投訴，指屋內受劇烈震動出現裂痕及甩掉批盪，大廈外牆舊痕明顯加闊。袁坦言法團正打算維修外牆，他聞悉屋宇署回應指並沒有橡樹樓的事故紀錄，怒斥：「有冇搞錯，屋宇署擺明又講大話！」

住客關先生形容：「喺地下望上去條罅，可以見到半邊天！」

住客劉妹妹恐寓所變馬頭圍道塌樓「翻版」，全家人決定搬走。

居民怕住「斜樓」要搬屋

居住一樓的黎先生指，露台鐵門昨日難以關上，疑是大廈曾經移動所致。住客關先生則形容：「以前條罅邊有咁闊，又用過英泥封住，依家喺地下望上去可以見到半邊天！」住戶黃先生斥責當局馬虎：「政府唔應該睇一睇就話冇危險，應該檢查同睇番啲數據先下決定。」

居民袁小姐亦指，近日常感到家中「猛咁震」，擔心大廈會再傾側。就讀小六的劉妹妹也驚呼：「真係好驚好似馬頭圍道嗰單冧樓咁恐怖，屋企人都話要搬！」但有部分長者住客則無奈地稱，由於身無分文，亦未能投靠親戚，雖然對着「斜樓」，恐寢食難安，但亦無法搬離，惟有望天打卦。