事實上，政府明知有成四千幢舊樓逾五十年，這些「樓脆脆」隨時有結構問題，政府未見有一套長遠計劃去幫這班「危樓春曉」的住客，試想住得呢類樓的住客，你叫佢一次過拿二、三萬去修葺，又冇業主立案法團，佢真係睬你都傻！

再說，這類樓宇本身結構已特別脆弱，石屎風化嚴重，加上裝修亂拆主力牆，是以有裝修工程時，政府有必要監管，以策安全。然而，政府向來缺乏「謀劃長遠」，只是頭痛醫頭，腳痛醫腳，結果只會是按下葫蘆浮起瓢。今趟塌下舊樓隔鄰的兩幢樓即時要封閉，這明顯是驚弓之鳥的效應。

其實，從新聞所見，有不少住客反映，牆身或屋頂的裂痕加深，政府雖解封亦感覺住得不自在，不過沒有能力搬，只好擔驚受怕的住下去。

俗語說：唔見棺材唔流眼淚；政府亦是唔見死人唔肯做嘢！二○○八年赤柱塌古樹殺十九歲少女莊頌賢，政府才急急腳叫唐唐做「管樹大隊長」，對全港古樹進行評估，有即時倒塌的則鋸之，以防悲劇重生。如今塌樓，釀四死兩傷，「好打得」的發展局局長林鄭月娥又神勇起來，派出四十支調查小組，話明一個月內巡視完四千幢舊樓，發現結構危險的，即時維修鞏固焉，有其他問題的即發出維修令。為何昔日做事如蝸牛，而今快如獵豹耶？可見事在人為，只要不官僚，平時多落區了解民生，才是問責好官。