娥姐喺二○○○至○三年擔任社會福利署署長，佢同露宿者行動委員會早喺呢幾年結緣，即使娥姐之後步步高陞，○七年做埋問責局長，娥姐都堅持每年返一返去見吓佢口中呢班「老友記」。早幾日馬頭圍道發生冧樓咁大件事，娥姐都無失約，認真唔話得。不過咁啱尋日嘅聯歡晚會就喺梁顯利社區中心舉行，同入住庇護中心嘅「冧樓」災民只有咫尺之遙，問娥姐會唔會去探吓班災民，佢就話「今日以朋友身份出席活動」，而且已經有同事幫緊佢哋，唔會打擾佢哋啦。