唔想答「無記」問題

喺記者會上，有記者問佢有無後悔入股亞視，佢話當年患上末期胰腺癌，醫生同佢講只有三個月命，當時佢真係好後悔食得唔好、瞓得唔夠同埋無好好照顧自己，但最後佢發覺後悔係無用嘅，所以集中注意力去救番自己。佢話搞亞視其實都係一樣，依家最重要係將亞視交託響一個好嘅人手上，做好亞視就係推動力，唔想嘥精神去後悔。

查懋聲雖然承認亞視積弱多年唔夠無綫撼，但佢對亞視真係照顧周到，尋日記者會講明畀亞視記者優先提問，仲要可以問兩條問題，但到無綫記者提問時，佢就直頭話無綫對亞視唔公道，亞視請親啲藝員個個都唔敢嚟，所以佢都唔想太合作，唔想答無綫記者嘅問題，搞到個記者幾咁尷尬。雖然佢最後都有答到問題，但今次總算係為亞視出番啖氣喇。