旅遊發展局現任主席田北俊任期只到今年四月，政府遲遲未公布新安排。早前政圈傳出多個熱門之選，包括海洋公園主席盛智文，仲有盛傳毛遂自薦嘅經濟動力林健鋒（Jeffrey），不過旅遊界人士就踢爆，扮嘢文去年先獲政府打破六六規定（即委任公職任期不得多過六年），委任佢喺海洋公園玩多三年；若然轉過頭再委任佢做旅發局主席，兩個位既有潛在利益衝突，亦不合政府委任公職原則，所以扮嘢文做旅發局嘅機會好、好、好細喎。