20/01/2010

播放本新聞相關短片

政情：迪園蝕入肉辣Rita劉

香港迪士尼畀人鬧足幾年，尋日終於首次披露財政狀況，點知一揭就好大鑊，原來到目前為止，僅上個財政年度樂園已蝕咗逾十三億元，唔怪得個個都睇死政府揼錢落無底深潭。迪士尼露底，政府冇晒面，商務及經濟發展局局長劉吳惠蘭（Rita）點都要責備幾句，佢第一次發火大鬧迪士尼，要求佢哋做好成本控制，但鬧完又有無用呢，就要睇過至知喇。迪士尼行政總裁金民豪就死撐樂園財政穩健，仲話可能要等到二○一四年，樂園先至止血達收支平衡。