任職保安員的梁先生每日早出晚歸，惜日出而作，日入卻無法休息。梁的居所面向士美非路街市及熟食中心，外牆年前新設一個廚神裝飾，並加設強勁射燈照明，梁每晚便遭「照射」致難以成眠，「我床頭就對住個公仔，落咗簾都光燦燦，都唔知點瞓，人哋街燈都會熄啦，佢竟然開足成晚！」

食環署強調廚神裝飾乃為宣傳及吸引食客而設置。	環保觸覺職員在廚神裝飾附近度得四百五十個勒克斯光度。	放大圖片

梁坦言多晚失眠後精神委靡，導致工作常出錯，並遭上司責罵，「其實嗰幾支燈都唔知有咩用，只係用嚟射住個公仔同幅牆，真係好嘥電！」梁不滿該署浪費資源之餘，亦為市民帶來滋擾。

記者與環保觸覺職員實地了解，發現射燈發出的光度高達四百五十個勒克斯（LUX），光度甚為驚人。「普通辦公室先得三、四百個LUX，嗰度居然有成四百五十個LUX，仲光過成個office（辦公室），真係誇張！」環保觸覺主席譚凱邦狠批食環署浪費電力，不但有欠環保，亦影響居民生活，要求政府正視問題，勿再帶頭製造光污染。

作賊心虛 接投訴即熄燈

食環署在接獲本報轉介後，廚神裝飾竟即時「熄燈」，但發言人並未有就射燈是否屬慳電設備以及所涉電費金額作回應。發言人僅稱，上址之廚神裝飾向來用作推廣及吸引顧客，過往一年未有接獲有關射燈滋擾投訴。接獲本報轉介後，已跟有關工程部門實地視察，縮短部分射燈使用時間並調整照射方向。

「夜麻麻，就算吸引到客人，街市閂晒門都冇嘢買，仲搞到啲鄰居投訴，都唔知係趕客定招客！」身兼立法會民政事務委員會副主席的中西區區議員陳淑莊狠批食環署浪費公帑及資源之餘，亦對居民造成滋擾，至於接獲投訴後即時「熄燈」舉措，更見「作賊心虛」，希望該署能徹底檢討，避免同類事件再發生。

家庭醫生關嘉美指出，醫學界現時仍然就光污染對人類健康進行研究，但承認光線會影響睡眠質素，令人精神欠佳，對生活造成影響。