冬日美食嘉年華踏入第二天，各有一百個名額「一蚊燕窩」及「一蚊鮑魚」同樣於五至十分鐘內掃清。當大眾都將焦點放在特價海味及海鮮時，毫不起眼的平價罐頭及食油，成為「師奶兵團」掃貨重頭對象之一。

專程由觀塘前來會展嘉年華掃貨的梁女士購入大量「五香肉丁」罐頭、咖啡粉、化痰素及柚子茶，形容「喺呢度買比喺超市買平好多，每樣嘢平幾蚊，加埋加埋就可以慳到唔少。」

另一邊廂，開鑼半個月的工展會在聖誕日大收旺場。共花了約三千元的黃女士及謝太異口同聲說，希望在工展會趁機大掃平價必需食糧，「畀小朋友食嘅維他命糖比市面平成卅蚊，蠔油等醬油每支都平六蚊，所以都忍唔住入咗唔少貨；另外買五斤油又送五斤米，真係幾抵。」居於上水的梁太亦專程前來維園「入貨」，購入大批即食生麵及清潔用品兼有送貨服務，說大大方便了她購物。

攞籌爭購松葉蟹

另外，搶購平貨昨日發生小插曲，於美食嘉年華「限量一蚊一隻松葉蟹」招徠的「長腳蟹欄」原只是一日優惠，但資訊誤會下昨仍有大批市民排隊，獲悉優惠完結即大表不滿。展商一度決定重新派籌以平息民憤，措施卻引發不少市民「搶籌」及推撞，期間尖叫、噓聲四起，最後經大會協助後平息事件。