「淨係識拎起戒指走」

任職銷售業的施先生與太太拍拖近一年，選擇在平安夜結婚是因為這個日子易記，希望和家人及朋友一起歡度這天。兩人最難忘的回憶，施太太難掩其甜蜜的笑容說，「佢兩個月前突然喺灣仔鬧市跪低向我求婚，我當時被嚇到腦海一片空白，我好怕醜，只係識得拎起佢隻戒指走。」施先生則希望與太太生兩個小朋友，組織一個幸福的家庭。

任職廣告創作的梁先生可謂貫徹其「廣告人」的風格，今年三月以另類方法成功向四川女友求婚。他笑言：「有一晚我同女友一齊食消夜，我突然間問佢可唔可以嫁畀我，佢初初以為我玩，點知我即刻響褲袋拎隻戒指出嚟，成功殺咗佢一個措手不及。」梁太坦言起初以為男友只是「玩玩吓」，眼見那刻突然的認真，故答應下嫁。梁生說選擇平安夜註冊是希望永遠都記得這一天。