有份去參加名人邀請賽嘅立法會議員林健鋒（Jeffrey）話，當時佢同滙豐香港區執董王冬勝、陳永棋及世界高球第二號人物Phil Mickelson同一組，活士嗰組就有中信集團董事長孔丹、滙豐亞太區行政總裁霍嘉治及行政會議成員張建東。Jeffrey話，嗰幾日活士談笑風生，完全睇唔出後院就嚟失火，佢一路都好好波，但係到咗職業賽尾段表現失準，最終Mickelson以一桿之差奪冠。

活士之後去咗澳洲出賽，無耐就爆咗煲啦。聽講啲高球發燒友近排喺茶餘飯後都攞活士嚟玩，譬如活士究竟畀老婆用幾號球棍追打，竟然成為聖誕猜謎嘅題目添！