本文重點
多得前中文大學校長高錕，大家喺網上世界真係天涯若毗鄰，年輕人要同朋友溝通話都無咁易，不過原來唔係個個後生仔都咁愛喺網上同朋友溝通，好似霍氏第三代接班人霍啟剛咁，佢竟然連好似facebook咁嘅交友網站account一個都無。早幾日佢最細嘅細佬啟人畀雜誌登咗佢同女友Rebecca去韓國慶祝拍拖五周年嘅親密照片，啟剛出席香港青聯聖誕晚會時就話，呢種事一定唔會發生喺佢身上，因為一來佢無呢類account，二來佢亦唔鍾意將呢啲私人照片公開，所以好放心唔怕畀人做佢世界。
話離從政路仲有好遠
香港名人新一代喺政界愈嚟愈高調，啟剛身為幾個青年組織嘅骨幹人物，不過佢話唔覺得自己嘅知名度對佢做青年同慈善工作有影響，好似之前佢做籌委會主席搞到有聲有色嘅博鰲青年論壇，佢話邀請信無用佢個名嚟請人，無人因為佢嘅知名度而出席，自己只係做幕後；相反雖然自己個名有人識，大家都知道佢做緊乜，所以亦無人因為佢嘅名氣而唔敢同佢合作。佢話離從政路仲有好遠，依家只係想學多啲嘢，對答頭頭是道嘅啟剛，愈嚟愈有大將之風。
卓妮