原來Miriam呢味炆牛尾只係煮過畀媽咪食，今次都只係跟住食譜煮，不過煲牛尾色香味俱全。Miriam話原來要牛尾炆得又香又腍係有秘訣，先煎一煎牛尾，等佢出咗油先再炆，無咁肥之餘又易腍啲。另外Miriam仲加咗西芹、紅蘿蔔、少少咖喱粉、喼汁、薑葱粉、黑橄欖同香草葉調味。另外，Miriam驚牛尾就咁食會偏鹹，仲專登預備埋白飯，非常體貼。

呢煲牛尾十五分鐘就畀人掃清光，就連李華明（Fred）路過都畀香味吸引，食埋一份。阿Fred大讚Miriam炆得入味又無落鹽，啱晒血壓偏高嘅佢食喎！