玩到凌晨兩點都無所謂

該酒樓執行董事謝啟英表示，「龍門夜宴」會重現昔日擺結婚酒及生日酒席的熱鬧場面，菜單有多款懷舊美食。「好似大包、百寶鴨，全部都係鎮店之寶！屆時仲會有表演台，邀請嘉賓演唱懷舊粵曲及國語金曲，食客興之所至亦可上台獻唱。為咗令客人盡興，我會開放平日『閒人免進』嘅廚房，讓客人拍照留念，當晚玩到凌晨點幾兩點都無所謂。」

謝表示，龍門夜宴門票每位三百元，上月初發售後反應熱烈，原本計劃當晚開放二樓筵開二十五圍，現時已出售超過四十圍門票，惟有再安排多一晚夜宴，日期仍然未定。「多加一晚嘅『龍門夜宴』，主要畀有生意往來嘅好友參加，若果門票銷情好，除二樓外，仲會開埋樓下。」