星期三下晝一點，卓妮行經中環花旗銀行大廈嘅simplylife FOODPLACE，嗰度有中西餐及燒味飯盒賣，總之就係各適其適。喺人龍之中，卓妮發現一身行政人員Look嘅Pauline都喺度排緊隊，佢望完一輪餐牌後，終於決定今個中午食叉燒飯，盛惠三十八蚊，Pauline等攞飯盒時探頭實師傅切燒味，為咗健康，佢一定係要求師傅千祈唔好切一舊肥叉畀佢啦。

Pauline決定咗食叉燒飯，盛惠卅八蚊。

中午食晏時間嘅simplylife FOODPLACE，擠滿趕時間醫肚嘅白領一族。

開親大會要搏殺

查實周三立法會開大會，立法會都有飯開，何解Pauline要捱飯盒呢？Pauline話，趁空檔出街兜個圈抖吓氣，人都醒神啲。咁中午捱飯盒，晚餐食乜補數呢？為立法會剩番大把錢、識整射燈，又要保持住儀態維持立法會秩序嘅Pauline話，立法會開親大會，佢都要搏殺，為免放朋友飛機，從來唔敢約老友周三食晚飯喎。

卓妮