Christensen指出，只要大家減少用即棄水樽，改用環保水樽，便可又慳錢、又環保。其實近年環保水樽大行其道，用料亦愈趨講究，更因設計獨特而成為潮人恩物，將環保變成時尚。

現時市面上環保水樽豐儉由人，平價之選首推塑膠製水樽，只是十元八塊一個，甚至有公司將商標印在水樽上免費隨產品附送，此類膠水樽質地堅固耐用。若想豪一點，則可購買標榜以鋁合金製造、瑞士出品的水樽，淨重比膠水樽還要輕一至兩成，加上樽身有多款圖案，由幾何圖形至卡通人物，各式各樣均有，所以價錢雖貴仍不乏捧場客。