熱情搭訕

每年美國各州各省都有舉行內衣派對活動，何解喺邁阿密所舉行嘅內衣派對，參加者會玩得特別瘋狂，氣氛亦比同型派對熾熱呢？歸根究柢，都係因為當地民風特別開放所致，由於當地以夜遊娛樂為主打發展項目，不少歐美蒲友都去朝拜，令當地漸變成夜遊性地，夜夜笙歌，連帶性觀念都零舍開放。

夜晚走到街上，隨處可見衣着性感嘅冶艷女郎向你熱情搭訕，所以喺呢度參加派對，都會盡情表現真我一面。

會員配額

講到明係以內衣做主題，自然可以畀機會一眾美女向男士盡騷誘人身材啦！不少渴望脫離單身一族嘅囡囡自然最踴躍，兼且以最性感少布一面示人，呢點係派對特色之一。

不過大家咪開心住，因為派對只益自己友，要成為會員後先有資格參加，不過會費並唔貴，據講只要一百美元，可惜並唔代表可以參加派對每一項活動，成為會員後必要喺指定時間內入場，消費滿指定金額，將收據交畀侍應，直至深夜至可以參加「內衣派對」，而大會已規定只接受二百人參加，除可確保派對入場人數，連服務質素都可以保證，喺人少少嘅派對下，蒲友有更多機會結識到場內嘅其他參加者，玩樂氣氛自然更好！

高潮剝衫

呢個派對吸引到咁多女士參加，對男士嚟講梗有着數啦！事關每位蒲妹都會表現極盡性感一面，以最佳狀態入場界仔，喱士花邊內衣配襯魚網絲襪喺場內穿梭，但呢啲只屬濕濕碎，有蒲妹更只以乳貼上陣， 眼望落去仲以為乜都無着，現場波光乳影，男士睇見唔心動就假啦！

呢個派對絕對唔會要求大家眼看手勿動，更曾經撮合過不少癡男怨女，只要大家過電嘅話，攬攬錫錫實屬平常。雖然大會無禁止男女互溝，但要喺場內有進一步行動就一定唔容許，假如閣下真係有需要，其實附近有不少賓館可以解決。至於整晚「高潮位」必定係臨完場前一刻，皆因每年司儀都會將現場情緒推至最高峰，之後就會開咪要求囡囡盡情解放，通常囡囡都會聽聽話話，將上身胸圍一脫為快，最後拋上半空，等麻甩佬喪搶，難怪每年都吸引咁多蒲友湧住去參加啦！

撰文：祖