30/09/2009

播放本新聞相關短片

政情：區璟智一語KO韋奕禮

雷曼迷債事件凸顯銀行銷售嘅投資產品，同證券行啲產品一樣可能隱藏好大風險，其實依家好多保險公司除咗賣保險之外，亦有銷售投資相連產品。證監會行政總裁韋奕禮尋日出席一個研討會時，就建議保險經紀應該好似銀行同證券行一樣，受到《證券及期貨條例》監管。不過出席同一會議嘅財經事務及庫務局常秘區璟智就話，監管保險中介人應有唔同做法，一錘扑低咗韋奕禮嘅建議。