觀塘區議員麥富寧認為，停車場管理公司應制訂服務承諾，優先維修公眾設施，「如果反映咗兩個月都冇維修，咁真係太耐，條路咁多人用，爛咗有可能影響行車安全，應該要盡快維修。」

秀茂坪邨物業服務辦事處發言人表示，上址乃房屋署及領匯共同管理，道路的日常維修工作則由該處負責。發言人稱，接獲本報轉介投訴後，已即時安排維修，現已竣工。