書展尋日開鑼，靚模群起出寫真攻陷書展，更以性感打扮搞簽名會造勢，吸引好多人去睇星湊熱鬧。不過原來唔係人人為靚模瘋狂，房協主席楊家聲就潑冷水話：「睇啲靚模我唔啱，都係唔去（書展）喇！」
楊家聲年初出咗本新書《打工打不死》，教人就業致勝之道，今次書展都有得賣，不過佢唔打算去趁墟湊熱鬧。尋日佢單拖現身香港會食飯，講起會否倣效其他作家或者靚模咁，趁書展搞簽名會增加銷量，楊主席即時耍手兼擰頭，話唔想拋頭露面。
對於周秀娜、Kama、Hot Cha等一眾靚模爭住喺書展拋出美色力谷寫真，楊家聲對呢股靚模現象不置可否，不過佢笑騎騎話，幾歹唔會去書展
靚模，莫非係怕咗班妹妹仔？
