為男仔煮飯
呢兩個入得廚房出得廳堂嘅靚女，都係嚟自澳門×龍夜總會嘅靚女公關，佢哋係21歲嘅瑤瑤，同埋啱啱19歲嘅佳佳，瑤瑤電咗少少鬈髮，眼仔碌碌，身材出眾，明顯係一個聰明女；至於佳佳就留有一頭長直髮，身材纖巧一啲，有啲似小公主樣子。
我哋先問問眼仔特別精靈嘅瑤瑤先，家陣好多女仔都唔識煮嘢，點解瑤瑤又會學識呢？瑤瑤話：「我細個嘅時候，因為對上仲有個家姐，所以家裏所有雜務都唔使我做，唔好話入廚房，連掃地都唔使我做，但後嚟學人拍拖，就乜嘢都唔同晒啦。」
點解呢？瑤瑤話：「我遇人不淑囉，學校咁多男仔，好鍾意唔鍾意，鍾意咗個運動健將，佢係學校籃球隊嘅成員，但屋企好窮，每日晏晝只得一盒仔飯同啲鹹菜，我都食唔飽，何況佢運動量咁大呢？做咗佢女友，點都睇唔過眼，於是午餐由我負責。」
食到變肥仔
就係咁樣，瑤瑤求佢阿媽同家姐教佢煮飯煮餸，朝朝六點就起身整，日日捧三大個飯盒返學校，一盒飯，一盒餸，一盒湯，食到佢男朋友不知幾開心，點知食咗半年，足足肥咗幾十磅，最後肥到打唔到波，仲因此分手添，真係好心做壞事。
但係瑤瑤話冇後悔，學識煮飯仔之後，佢第二個男朋友都係咁樣呃番嚟，佢話：「公司有次大食會，我整咗啲小食返去，人人食過都讚不絕口，而我主任更對我另眼相看，仲話我係賢妻良母，出力追求我添，可惜性格唔啱，最後冇再喺埋一齊。」
但瑤瑤話學識煮兩味，真係對識男仔會好好多，而佳佳亦第一時間舉腳贊成，佢話：「我啲廚藝係從小苦練番嚟，因為媽媽要返工，所以我好細個就要自己照顧自己，想食新鮮嘢，就要自己入廚房搞掂，所以到咗初中時候，已經好識得整嘢食。」
美食傳愛意
識得整嘢食，係咪可以方便啲識男仔呢？佳佳話：「呢層唔使講，但除咗識男仔，你仲可以用美食識到好多好朋友，以前我比較內向，唔敢同人交往，到咗初中，好多同學都食唔慣學校嘅飯盒，於是我就自己整啲嘢食，午飯時攞出嚟加餸。」
啲同學聞到香味，個個湧埋去跟佳佳做朋友，自此多咗一份自信，亦多咗一班好朋友，咁男朋仔又點識呢？佳佳馬上面紅紅咁話：「我先會整啲唔同嘅小食畀佢試吓，了解佢嘅口味，明白佢喜歡乜嘢之後，就整一個啱晒佢胃口嘅飯盒畀佢食。」咁自此想飛出你五指山都難啦？佳佳話：「咁都要同佢其他方面夾先得㗎！以前嘅男友成日只掛住做愛，於是行咗一年就同佢分手。」以後識男仔仲會唔會用美食呢招呢？佳佳話：「會嘅，因為整嘢食代表分享同交流，係傳情達意嘅最好方法。」
瑤瑤小檔案
年齡：21歲
三圍：34、25、34
佳佳小檔案
年齡：19歲
三圍：34、23、33
撰文：小德
攝影：強