陳智明兩名女兒分別為十歲的詠詩及八歲的詠琪。陳妻好賭成性，八年前欠債纍纍，無力償還惹來「大耳窿」上門追數，威嚇「叫佢小朋友小心啲！」陳為幫妻子還債亦曾惹禍上身，最後為保女兒安全，試過報警求助。他說：「我死唔緊要，唔好難為小朋友。」為免遭報復決定搬離舊居，妻子在這時候離家出走，留下歲半的大女及剛出世的細女。

推車載兩女兒開工

自此陳父兼母職，晚間在酒樓沙井工作的他，實行「帶女洪郎」父女上陣，先為細女餵奶，再安置兩女兒在酒樓一角睡覺而自行開工，早上又先送大女上學才回家，日睡三小時。他說：「有乜辦法，唔可以獨留佢哋響屋企，擔心有意外，惟有推架開工車，載住兩個女去酒樓，求個部長通融下。」沙士時月入跌至數千元，只好食粥水慳錢來買奶粉。他直言當時生活艱苦，「心灰意冷卻唔知可以點」。

陳智明曾想過放棄，亦試過應妻子要求將兩女交託照顧，結果妻子再次拋棄兩名女兒，他又再次扛起責任。

生活逼人，陳指兩女自懂事以來從沒有到遊樂場，有時候為慳回生活費，寧參加義工服務，只為附送的免費餐。昨日一家三口一償心願兼預早慶祝父親節，陳智明更為女兒製造驚喜，訛稱到茶樓飲茶，結果帶她們到迪士尼，因為他獲迪士尼安排，與廿個單親家庭免費入場預祝父親節。談到父親節願望，他笑言不求兩女孝順，只求「生性就好啦」。