政情：余志穩誓神劈願唔做副局

社會福利署署長余志穩將於今年八月正式退休，尋日佢出席電台節目時，被問到退休後會否轉做勞工及福利局副局長，繼續幫局長張建宗手，點知佢連條問題都未聽完，就立即耍手擰頭，連續講咗四次「唔會」，去意相當堅決。余志穩係少數出名肯聽民意同廣獲議員好評嘅政務官，可惜官運一路都麻麻，幾次升職都慢人半拍。依家仲叫佢降職減薪轉做副局長幫政府擋箭，佢梗係唔制喇！

匯控供股制唔過？專家教路散戶必睇！
詳情瀏覽on.cc《匯控供股自保攻略》