本文重點
NBA明早爆發西岸榜首大戰，湖人主場對金塊。雖然湖人已穩奪西岸冠軍，但如果想成為常規賽「一哥」，對金塊仍不容有失。兩隊今季曾三次交手，湖人以二比一領先，相信明早一戰湖人可再下一城，向常規賽冠軍進發。（now 671周五早上10時30分直播）
作客贏帝王明顯留力
湖人昨日作客以一二二比一○四擊敗帝王，目前與東岸榜首球隊騎士一樣贏六十二場，但輸多一場，爭奪常規賽冠軍形勢非常激烈。由於湖人對帝王比數一早已拉開，第四節索性收起高比仔、費沙、奧當等正選，留晒力應付今場西岸榜首大戰。至於早前盛傳傷愈復出嘅中鋒拜林，預計下周至會復出。
西岸二哥金塊近況相當不俗，最近已連贏七場，但球隊作客成績一般，今季作客勝率僅得54%，而且連續兩日有比賽，狀態肯定唔及養精蓄銳嘅湖人。不過金塊仍希望取得較高排名，季後賽可更易打，即管睇吓安東尼可唔可以砌低高比仔啦！