本文重點
「一撞車見到好多男人走出嚟，仲以為佢哋去救人，點知係嗱嗱聲去開走啲貨車，警察嚟到咪以為冇乜車泊喺度囉！」發生奪命車禍的茶果嶺道，居民羅太踢爆事前原泊滿「死車」，意外後才被駛走，譴責警方辦事不力。
「死咗自己友先識緊張」
羅太稱，茶果嶺道設有多間回收廠，常有貨車違例泊滿落貨，居民被迫「攝車罅」截小巴外出，險象環生，惟多年來警方懶理，至上月有休班警員撞「死車」喪命，警方才加強執法趕車，有街坊狠批：「啲差人死咗自己友先識緊張！」
觀塘區議員鄧咏駿亦認為警方不能姑息違例泊車者，雖然政府已在附近東隧出口劃地作重型車停泊區，但有缺德司機態度依舊，甚至將車泊上行人路，他已要求運輸署在上址加裝鐵欄。
現場茶果嶺道路段接連發生撞「死車」奪命車禍，連同昨日一宗，過去一年半先後有四宗同類意外。包括上月五日，四十六歲休班警員蔡耀揮駕電單車上班途中失事，撞向一輛違例泊路邊的貨車身亡。去年二月十六日，一輛客貨車在茶果嶺貨物裝卸區對開，撞到路邊一輛貨車車尾，卅一歲女乘客命喪當場，司機被控危險駕駛導致他人死亡罪成，判監禁兩年及停牌四年。