廿九歲的阿恒生前患有糖尿病，他於上月（三月）八日凌晨因腳部異常劇痛，家人連夜陪他到伊利沙伯醫院急症室求醫，但只獲醫生處方冬青膏及止痛藥便將他打發離開。恒父憶述：「個醫生求其㩒阿恒隻腳幾吓就叫佢走，我哋即時同醫生講阿恒有嚴重糖尿病，幾年前更曾因併發症入過深切治療部，擔心今次又係併發症，但個醫生都冇理！」
失禁才入病房 速陷昏迷
鑑於情況未有好轉，天亮後阿恒立即到私家診所求診，私家醫生擔心阿恒的腳病是源於痛風症或敗血症，所以即時簽發醫生紙轉介阿恒入院。但阿恒雖然即時由救護車送往伊院急症室，但竟仍要苦等逾三小時，直至阿恒失禁才獲安排上病房。
恒父哽咽說：「當時急症室根本冇乜人，但姑娘淨係不停叫佢等，結果一上到去（病房）已經昏迷，救唔番……由第一次入急症室到佢去咗都唔夠廿六個鐘！」他質疑醫生失誤令其子枉死，誓言要討回公道，「如果（醫生）真係依足程序做都救唔番，我唔會怨，但點解斷症會咁輕率、點解救護車送入醫院仲要等三個鐘至有人理，咁同草菅人命有咩分別？」
全民監察醫管局小組召集人馮宜亮認為，不排除事件涉及醫療失誤：「如果醫生判斷失準、由救護車送入急症室又要等幾個鐘，兩個失誤就等如一條人命！」馮指出，若年資較淺的醫生未能確診、或未有足夠臨床經驗診斷病人是否出現嚴重併發症，便應交上司跟進，而非輕易叫病人走，倘病人有複雜病歷並出現持續疼痛，更須小心處理，「一百個（病人）之中總有幾個係危急，分唔清楚會累死人」。
對於為病人處方冬青膏一事，馮指病人一旦出現腎衰竭，塗抹冬青膏或會加促病人死亡，「腳痛可以係血管阻塞、肌肉壞死，而肌肉壞死會有廢物排出，便會加重腎臟負擔，冬青膏亦需透過腎臟排出，如果一痛就搽多啲，就會死快啲。」立法會衞生事務委員會委員李國麟亦認同，急症室應由富經驗人員把守，質疑事件或涉個別醫生疏忽診斷，醫管局應向死者家屬作出交代。
兩列「次緊急」 只給止痛膏
就阿恒的個案是否涉及人為疏忽或延誤診治，伊院發言人未有回應，只承認病人兩度求診均被分流為「次緊急」類別。首次求診時，經醫生檢查後未發現異常情況，已為病人注射止痛針藥及處方止痛藥膏；病人第二次到急症室求診表示雙膝腫痛，經醫生初步治理後轉送內科病房，但入院後情況欠佳，有器官衰竭及休克，最終搶救無效死亡。發言人指由於病人死因不明，已將個案轉介死因庭跟進。
■記者莫麗珊