DIY汽車閃石貼 幫愛驅扮靚靚

潮玩閃石貼

閃石貼紙除咗用嚟裝飾手提電話、頭飾等個人物品，其實仲可以用作打扮汽車車廂，最常見就係粉飾顏色單調嘅中控台。此外，有啲人仲會將閃石貼黐喺錶板位，但絕對唔建議大家咁做，一來可能阻礙視線，睇唔清楚錶板上面嘅數據，二來容易令駕駛者分神，增加危險。而最適當嘅，就係收音機位，又或者冷氣出風口位置等。

市面上嘅閃石貼款式多不勝數，不同Size、不同顏色，仲有唔同嘅質料，最便宜就會用塑膠製造，仲有人造水晶，閃亮度較高，但價錢亦會比較昂貴。若然仲嫌唔夠誇張，咁就要推介你一種會發光嘅鑽石貼喇！通常以數粒LED燈膽組成，並從點煙器取電，夜晚睇見車廂閃閃發光，都幾過癮架！

DIY閃石貼裝飾中控台

Part 1

步驟一：黐上閃石貼之前，先利用清潔劑或火酒去除位置上污漬，以免減低黏貼力。

步驟二：將閃石貼慢慢咁逐粒黐上去，一啲難以落手嘅位置，就可以用小型夾鉗去輔助。

步驟三：完成之後，睇吓有冇需要作出微調，最後再用手指按實，咁就大功告成喇！

將閃石貼慢慢咁逐粒黐上去，一啲難以落手嘅位置，就可以用小型夾鉗去輔助。

完成之後，睇吓有冇需要作出微調，最後再用手指按實，咁就大功告成喇！

Part 2

步驟一：黐上LED鑽石貼時，同樣應先清潔所黐嘅位置，順便檢查位置是否適合。

步驟二：為免喺完成安裝先發現產品有問題，所以最好測試一下Work唔Work。

步驟三：將LED燈膽黐好之後，仲要處理一條長長嘅電線，想美觀啲，可收藏於飾板入面。

黐上LED鑽石貼時，同樣應先清潔所黐嘅位置，順便檢查位置是否適合。	為免喺完成安裝先發現產品有問題，所以最好測試一下Work唔Work。	坊間有唔少去除車貼殘漬嘅用品，使用相當方便。

車身貼顯個性

汽車飾品眾多，除咗閃石貼之外，大家仲可以利用汽車貼紙去凸顯自己嘅個人風格。坊間好多汽車精品店都有得賣，部分店舖更提供訂造車貼服務，客人只需要提供圖樣就可以；又或者由店方設計好圖案，再由客人選擇。

車貼嘅種類實在太多，幾乎想得出嘅圖案都有，而且質料各有不同，選擇夠晒多樣化。車貼嘅優點係可以隨時更換，完全出於車主嘅個人喜好，而價錢比噴油、噴畫便宜得多。不過，貼車貼要有一定技巧，仲需要大家畀啲耐性、花點心思，咁先會貼得靚架！

如果將車貼貼喺玻璃，最好先用清潔劑去洗乾淨，咁就冇咁易甩落嚟！	車貼推介 閃石篇 LED鑽石貼 鑽石貼由四顆LED燈組成，能發出耀眼光芒，可於點煙器處取電。售價：$135	台灣製閃石貼 閃石上有八個折射面，令閃爍度大增，適用於汽車內裝及其他個人物品。售價：$65
動物篇 日本製車貼 呢款日本製車貼嘅圖案由知名畫師設計，畫工一流！售價：$115起	騎呢篇 特別字車貼 不論「龜速駕駛」或「新手駕駛」，相信都會引起其他駕駛者嘅注意。售價：$45起	溫馨篇 孕婦及小朋友車貼 若然你老婆大肚或者有小朋友，呢類車貼就啱晒喇！仲可以提醒其他駕駛者添！售價：$35起
去貼紙漬專用清潔劑推介 Soft99貼紙漬溶液 只需將溶液沿着車貼邊緣塗上，等5~6分鐘後，就可以輕易去除車貼。售價：$45	3M除貼紙噴劑 噴到殘留喺車身嘅污漬上，有效去除膠紙漬及使殘貼軟化，仲有去污作用添！售價：$50

Honda Civic 1.8VTi

i-VTEC引擎配五前速自動波箱連加減波撥片，擁有140匹馬力，更備有真皮座椅、定速巡航系統、電動天窗、後波雷達等原廠配置。

售價：$231,880

撰文：賴以堅

攝影：蘇榮基、賴以堅

模特兒：莎莎、Whisky（Inspire）

汽車查詢：合群汽車（2827 8622）

產品查詢：2392 4244