RubberBand齊撐水佬榮

湯底出色 食材刁鑽

開業已一年的千福中日火鍋料理位於尖沙咀，餐廳一向以高質素見稱，湯底做得尤其出眾，其中包括鎮店湯底藥膳醉清遠雞湯、濃味四川麻辣湯、胡椒豬肚湯，另有清潤健康的海底椰湯及黑豆漿雜菌湯等，選擇非常豐富。餐廳最近更推出正宗水佬榮湯底，微微香辣配上花甲，在秋意煥發的日子品嘗，更覺醒胃清爽。

此外，餐廳亦不斷創新火鍋配料，經常研製不同口味的丸子，像是這次的臘香鮮墨丸、芥辣八爪魚等，夠創意又好味道，如像RB的好音樂；當然亦少不了香港人最愛的牛肉，特選山東牛味道濃郁，細分有金錢展、腋位、頸位、脊位等，還有刁鑽部分如坑腩粒、牛舌芯、牛胸尖等。河鮮海鮮除了大路款式外，亦不乏推介時令貨色，完全限量供應，即使多食幾次都不怕悶！

極上手切牛肉 $688 特選新鮮山東牛肉，牛味特別重，最高極上級的牛肉用上腩仔位，每隻牛供應有限，所以相當矜貴，「牛精」必食！	臘香鮮墨丸 $68 千福新近創作的配料，在墨魚丸中加入臘腸、膶腸及芹菜，臘肉香與芹菜香撞出濃郁滋味，RB形容它為肉餅味丸子，味道好又夠特別。	三秒炸腐皮卷 $38 即叫即炸的腐皮卷，上枱時依然卜卜脆，記緊跟足名稱，放入火鍋中烚3秒即拿起品嘗，香脆口感得以保持之餘，又可吸收湯汁，難怪成為近期熱捧美食。
芥辣八爪魚 $68 用上足料八爪魚粒製成丸子，並加入日本芥辣，充滿和式風味，頓時為味蕾送上點點刺激。	水佬榮花甲湯 $98 湯底依足經典方法炮製，以炸過的海魚仔魚肉，加入胡椒、薑等熬煮2至3小時，再放入番茄、粟米等配料，更可選放入足料花甲，增添鮮味。	餐廳環境雅致，由老闆親自選購的裝飾品呈現中式寫意品味，店內設有兩間VIP房，可容納12至20人，最適合RB與大班朋友暢食聊天。

試食報告

環境氣氛：★★★

好味指數：★★★★

必食推介：極上手切牛肉、三秒炸腐皮卷

人均消費：$200以上

撰文 ：黃穎妮

攝影 ：譚建章

化妝 ：Coral Chu

髮型 ：Mad Ho@Il Colpo TST

查詢電話 ：2311 1812