M11x四核外星人打芒亨！

同學A：「喂，你唔好成個毒男咁，24小時匿喺屋企打機好唔好？」

售價：$13,999

同學B：「你估我想咩？鬼叫我打開隻『芒亨』要求咁高，想帶Notebook出街打又唔夠快，窒吓窒吓好冇癮架嘛！」

同學A：「揀部四核Notebook就咩問題都解決啦！」

同學B：「四核Notebook通常都好大部喎，點帶出街呀？」

同學A：「乜你咁Out架？你冇聽過Alienware有部11.6吋細機升級咗四核CPU咩，仲唔快啲買部約我哋出嚟邊吹水邊對戰？」

新Alienware M11x顏色除了這款宇宙黑，還有月影灰。

罕見11.6吋Core i7

心水清的朋友，或會發現Alienware M11x不是早前已推出了嗎？不錯，不過當時採用的是省電型SU7300處理器，規格更似一部商用筆記簿，有Game迷坦言失望，以為廠方真會出一部符合遊戲高要求的輕巧筆記簿。事隔數月，Alienware同一時間推出新款M11x、M15x和M17x，當中以11.6吋的M11x最教人驚喜，一下子將CPU升至頂級的四核Core i7，運算速度快得多，而且支援Turbo Boost，因應用家需要自動提升速度，不會浪費電力，在速度與電量之間取得平衡，工作娛樂同時兼顧。

輕便遊戲Notebook

M11x內置Intel Core i7-640UM處理器及GeForce GT 335M顯示卡，以往這種規格幾乎只會出現在15吋以上的Desktop Replacement大機上，在配備11.6吋1,366×768闊屏幕的機款較為罕見，加上機身多項專為配合遊戲的設計，當使用支援CUDA技術的多媒體程式時，其NVIDIA顯示卡內的GPU更有助加快運算速度，令Game迷真正擁有可帶出街玩的遊戲Notebook。

左側備有VGA、LAN、HDMI、Display Port及兩組讀卡器插槽，介面非常齊全。

左側備有VGA、LAN、HDMI、Display Port及兩組讀卡器插槽，介面非常齊全。

墊手位前方會像跑車的頭燈般發光，而且可自行設定燈光顏色。

右邊另有耳機、收音咪、兩個USB等插頭。

發光鍵盤操控

作為一款遊戲Notebook，M11x在設計上交足功課，鍵盤和墊手位都會發光，夜晚打機唔使盲摸摸，並可利用AlienFX燈光系統自行設定顏色、AlienFusion管理電源和AlienTouch調校觸控板的靈敏度。機身兩側有齊VGA、HDMI、IEEE1394、Display Port、讀卡器等，接駁其他影音器材也很方便。

尋找外星人蹤迹

M11x攙入不少有趣的設計，凸顯Alienware外星人的形象，大家不妨找找，機身上有幾多地方透露了外星人的蹤迹？

機底有一塊外星人ID名牌，用家可刻上自己的名字。	採用內置式8-Cell電池，騰出機底空間加入這句「外星人語」。	鍵盤識得發光，細心留意可見Pause掣上有飛碟。
屏幕下方的Alienware字樣和外星人頭設計的開關掣都會發光。	機面有一個識發光的外星人頭像，別樹一格。