黃金海岸上天下水娛人節

特派記者：羅安琪

鳴謝：昆士蘭旅遊局、維珍航空、海港城、佳能、Kiehl's

水上樂園有模擬滑浪，大家都玩得有板有眼呢！	The Green Room有個大喇叭，轉到你暈。	高120米的跳樓機，唔係人人玩得起，不過總要玩吓。

大喇叭飄移

要玩水，這裏有大人細路都啱玩的主題樂園，好像Dreamworld就集水上樂園、機動遊戲及動物園於一身，想玩乜都有。天氣咁熱，當然立即飛身水上樂園White Water World玩啦！小朋友可以同海綿寶寶同派大星一齊玩水，一家大細則可以去Cave of Waves衝浪，而愛好刺激的我，第一時間跑去試The Green Room，從75米高的水道衝入大喇叭內片來片去，離心力強得像飛起一樣！另外還有Super Tubes Hydrocoaster，當初以為只是普通滑梯而已，我仲懶勁揀了頭位，誰知竟然有90度直墮水道！來不及反應已經衝了下去，只有尖叫再尖叫，但確實好玩！

7秒就上到38層樓，唔使講都知衝力有幾大，此塔設計右邊是恐怖之塔，左邊則是跳樓機。	鱷魚食咗小妹妹？梗係假鱷魚啫。	玩激流絕非小兒科，濺起的浪花隨時弄到全身濕透。

超激跳樓機

Dreamworld另一邊則是機動遊戲區，其中入選健力士世界紀錄最高的Giant Drop，是高120米的跳樓機，也是俯瞰全園風景的理想地方，當它慢慢爬升，的確有點心寒，不過最恐怖的是半天吊唔知幾時跌下來，感覺像等待行刑，突然跌下來的一刻尖叫到聲沙！

追求速度感的朋友可以試試時速達160公里，只用7秒就衝到上38層樓的Tower of Terror，猶如坐噴射機一樣，衝力很大，呼一聲已上到塔頂，玩完咁刺激的遊戲，真係唔玩唔知身體好呢！

鳥瞰海岸

玩完水，繼續玩上天，平時大家只能水平線欣賞黃金海岸，今次我乘坐Sea World的直升機，俯瞰全市景色，5分鐘行程，飛越Marina Mirage、Southport Seaway及South Stradbroke Island等。起飛了，景色從水平變成俯瞰，由一幢幢高聳入雲的酒店去到一望無際的海岸線，景色豁然開朗，是久違了的藍天白雲，真正的海天一色，下面的房屋變了像積木般小，一條條整齊的道路，就像小時候砌過的模型，可以用最好角度欣賞黃金海岸，已很滿足了。

Dreamworld

地 址：Dreamworld Parkway, Coomera,Queensland, Australia

入場費：一日通行證AU$85起（約HK$604）

開放時間：10:00am~5:00pm

網 址：dreamworld.com.au

遨遊備忘

簽證：持BNO須透過旅行社或航空公司辦理電子簽證；持特區護照可於網上申請電子簽證，網址：www.eta.immi.gov.au

天氣：4月氣溫約20℃~29℃

貨幣：AU$1約兌HK$7.1

套票：維珍假期澳洲黃金海岸2晚送1晚套票，$5,499起，包括來回香港至黃金海岸之經濟客位機票（內陸航線由Virgin Blue提供）、2晚酒店住宿、第3晚免費額外住宿、旅遊平安保險及可停留悉尼。

日期：4月15日~ 6月25日

查詢：2870 8733