椋名凜唱周董名曲練國語

王友良前晚與公司旗下的日模椋名凜（Rin）及新簽日模西垣梓出席香港澳洲華人協會第十八屆周年餐舞會。今年闖樂壇的Rin，前晚首次現場表演唱歌，她坦言心情緊張。王友良表示Rin第一首新歌是國語歌，更笑言：「我有聽過佢唱，但我怕其他人聽唔明佢唱乜。不過佢嘅廣東話同國語都進步唔少。」王友良有份擔任新歌MV的監製，他續說：「首歌叫《Watashi》，是講Rin點去俘虜男仔，MV入面Rin只係用絲帶圍住自己，性感得嚟健康。」問到對新碟銷量可有信心？Rin誇下海口說：「我希望可以賣到香港一半人口。（香港一般歌手都係賣兩、三萬張。）咁我向兩萬五挑戰。」Rin又指最近積極練習周杰倫（周董）的歌，以訓練歌藝及國語。