文宇口震震唔認放蜜照
自早前本報踢爆o靚模文宇（Ariel）與賭王何鴻燊兒子何猷亨約會後，猷亨胞姊何超盈日前承認代弟出頭，跟Ariel談判攤牌斬愛苗！昨日，當事人Ariel首度開腔，強調與猷亨的關係僅屬朋友，但全程口震震，更一度狂擰頭兼語塞！
自Ariel與猷亨的戀情見光後，超盈為保何家家聲，擔心胞弟猷亨被做新聞，即代他出頭向女方攤牌，急斬愛苗。昨日，女主角Ariel以古希臘女神造型，與諸葛梓岐（Marie）和顏后君亮相PS3遊戲活動時，Ariel即成為傳媒焦點，但她似有備而來，對記者的提問一律採取迴避態度，被問到回復單身的心情平復沒有，她說時顯得口震震，說話緩慢：「大家一直都係朋友，冇話分唔分手，其他人點講我唔清楚。（超盈講咗啲咩？）唔想講，我想件事快啲完，唔想大家focus喺呢件事上。」
一度語塞狂擰頭
據知Ariel和猷亨曾拍拖兩星期，被問到甩拖後會否因不能繼續發展而感可惜？Ariel亦避談：「係真係假，讀書人會識得分辨，費事愈描愈黑。」當被再三要求親口證實從來沒跟猷亨拍拖時，她僅說：「過咗去嘅事唔想講咁多，希望快啲完，依家大家係朋友，不過冇乜聯絡，佢返咗英國。」當被問到猷亨攤牌也要假手於人，Ariel一度語塞兼狂擰頭，定神後謂：「唔回應。」對於被指在網上公開與猷亨的照片，她顯得委屈並澄清：「我只係放咗自己嘅自拍照上網。」此外，Ariel自稱乃應屆會考生，但不擔心近日的事件影響讀書心情，亦承認有可能因此而人氣上升，但工作量則與平日差不多。
Marie讚男友大隻
另外，以雅典娜女神造型亮相的Marie，與裸露上身的戰神男模即席拗手瓜，事後Marie笑言Neway太子男友薛嘉麟的身形也相當健碩。Marie又透露活動前夕，與偶像劉青雲在髮型屋相遇，打了聲招呼，已令她開心得即時打給男友「報喜」。
文：名人組