踏入3月，一場香港打吡，令賽馬變城中熱話，就連兩個反斗星——心心與焯楠，也嚷着要騎馬仔。
現時，馬會轄下有3所公眾騎術學校，其中以屯門公眾騎術學校的規模最大，並設有「親親迷你小馬班」，讓小朋友學做小騎士，兼走入馬房，了解馬匹日常生活，一開眼界！
6歲都啱學
據屯門公眾騎術學校高級騎術教練陳世健（Bee Sir）表示，6歲已能學騎術，而訓練過程有助小朋友鍛煉四肢的協調度和靈敏度，加強身體的平衡感和觸覺感，更可提升自信心；要是一家人齊齊學習，更可促進親子關係呢！
該校開設的「親親迷你小馬班」，內容十分全面，除了教授騎馬技術，更包括馬房管理和安全知識。「馬房管理包括認識馬房設備、馬匹清潔和餵飼等常識，小朋友聽完講解，第一堂已經可以嘗試上馬，約半年時間就能掌握騎術，來去自如。」Bee Sir說。
導賞團試玩
若心大心細，想試玩又唔想Join Course，可參與團體參觀活動，於導賞員帶領下，親身走進馬房，接觸迷你小馬，了解馬匹日常生活及馬房運作模式，每位費用只需$5。如果想在荔枝樹下一嘗騎馬樂，則每位收費$45。
校內更設有燒烤場，參觀者可自備食物及燒烤用具，享受騎馬樂之餘，一起圍爐燒烤，共聚歡樂時光。
課堂直擊
Lesson 1 試裝備
工欲善其事，必先利其器，上馬之前，先到馬具室聽聽Bee Sir講解各種騎馬裝備。
1.玩騎馬最緊要安全，在佩戴頭盔之前，先要戴上浴帽，目的是包好頭髮，避免發生意外。
2.馬具室存放了英國優質皮製鞍具和馬勒，Bee Sir會逐一講解每種馬具的用途。
Lesson 2 學上馬
戴上頭盔，加上一對平底靴，就可以學騎馬喇！Bee Sir提醒大家，沙圈內不可大聲喧嘩，因馬匹天生膽小，容易嚇倒牠們，更切忌站在馬匹後面，萬一馬匹受驚，可能會用強而有力的後腿作出攻擊！
3.初學上馬，首先要用左腳踩上腳踏。
4.「Hey」一聲，跳上馬背，期間一定要緊握韁繩。
Lesson 3 入馬房
學騎馬，要跟馬仔近距離接觸，當然要深入馬房，了解一下牠的生活習慣喇！
5.能夠深入馬房重地，機會唔係經常有！
6.Bee Sir親自帶領兩位小朋友參觀馬格，內裏設有膠地墊和自動供水器，地上則鋪上木糠或禾草，而報紙碎則可預防馬匹皮膚敏感。
7.小朋友更可幫小馬刷毛，但記得要大力啲呀！
親親迷你小馬班
對象︰6~10歲小童
人數︰每班4人
開班時間︰逢星期四
3:30pm~4:30pm（英語班）
4:45pm~5:45pm（粵語班）
費用︰$600/4堂
查詢電話︰2461 3338
撰文︰周芷鈺
攝影︰張群生
模特兒︰陳樂心、楊焯楠