昨日甄子丹太太汪詩詩及姨仔汪圓圓出席新年飯局，詩詩透露新年期間舉家到了新加坡及台灣旅行，問到如何慶祝情人節？她顯得甚為勞氣，她說：「我畀咗一個月時間子丹去訂枱食飯，但佢乜都冇準備，最後喺酒店嘅建議下去咗台北101上面食飯，我着得好靚，但入面大部分係遊客，個個着得好Casual，食嘅仲要係A、B餐，我哋又唔識路，喺個商場入面兜咗成個鐘，我真係好嬲。」她繼續大爆：「佢叫我唔好同人講，我話一定要講，個個覺得佢係好老公，但佢愈來愈懶。」她又笑稱這個是最差及最難忘的情人節。