汪圓圓新春期間與家人到台灣及新加坡旅行，但因姐夫甄子丹名氣太大，去到哪裏均被包圍，她要充當保鏢。圓圓表示在台灣吃了不少路邊小食，她說：「姐夫怕被人認出，已戴咗帽及口罩，但都被人發現，去到邊都被人包圍，因為今次係舉家旅行，無助手同行，我要做保鏢幫佢擋駕。（係咪以後都唔想同姐夫去旅行？）都係，我有同姐夫講叫佢唔好同我哋出去，留喺酒店，我哋買嘢畀佢食，但佢又唔肯。」

問她情人節在台灣有冇艷遇？圓圓說：「嗰日姐夫同家姐二人世界，我同媽咪負責照顧佢個女，有個台灣朋友約我出去，但我拒絕，因為我覺得呢個節日要同我鍾意嘅人一齊度過，如果唔係就唔尊重呢個日子，而對方唔係我杯茶，加上我接受唔到異地情。」