TM600 3MOS高清片少雜訊

硬碟DV雖然容量大，可儲低大量高清片，但始終重量有番咁上下，攜帶未夠方便。Panasonic新出一部既用3MOS系統並內置64GB記憶體嘅全高清DV TM600，重量只有328g，日日周圍拍冇難度。而且只要一按機身上「1080 50p」功能鍵，在任何影相、拍片模式下都可即拍1,080/50p全高清片，認真方便！

售價：$9,480

拍足27小時

拍攝1,080/50p全高清影片幾佔空間，以TM600內置64GB記憶體計，大概可儲存約5小時20分鐘影片，如嫌唔夠用的話，可以另加SDXC卡使用。若果唔計較質素，64GB容量其實足可記錄27小時1,920×1,080i（HE模式）高清片，想點拍悉隨尊便。拍得多之外，TM600仲拍得靚，採用一支F1.5大光圈的12倍變焦Leica Dicomar鏡頭，有效抑制殘影同眩光，亦能將鏡頭邊緣嘅變形減至最少；再配合獨立處理紅、綠、藍三原色嘅3MOS系統，可充分還原物件嘅色彩、細節同層次感，加上Crystal Engine Pro技術減低一半雜訊，拍片同影相效果都滑溜冇渣。

3秒連影180張

TM600加入多項特別功能，簡化拍片及影相操作，如大家可直接在2.7吋輕觸式屏幕上點選對焦點；另亦可在i.A智能拍的「認人先決」模式內，先行記錄最多6個朋友嘅樣貌，拍攝時就會為這6位朋友優先對焦及曝光，包保唔會影到黑口黑面。想影片有快鏡或慢鏡效果，亦可利用TM600的間隔攝錄同高速連拍模式。間隔攝錄模式可將間隔設定在1秒、10秒、30秒、1分鐘或2分鐘，攝錄日出日落易如反掌；高速連拍模式就支援每秒連拍60張210萬像素數碼影像，一次過可連拍3秒，適用於拍低運動中嘅細緻動作，以供運動員糾正錯誤姿勢。TM600還支援1秒特快開機，揭開顯示屏1秒就撻着，唔怕錯失珍貴時刻。

TM600採用3MOS系統，色彩還原度出色。並備有F1.5大光圈Leica Dicomar 12倍變焦鏡頭。

TM600採用3MOS系統，色彩還原度出色。並備有F1.5大光圈Leica Dicomar 12倍變焦鏡頭。

除內置64GB記憶體外，還可加插SD/SDHC/SDXC卡擴充容量。

185g輕量級

雖然TM600已唔算重，但Panasonic同期出多一部更輕巧嘅SDX1，只有185g，係同級DV中最輕。SDX1配搭一支最廣端為35.8mm嘅16倍光學變焦鏡頭，更係同級機種中唯一一部內置光學防震系統，邊行邊拍全高清影片都唔驚手震。SDX1還擁有Pre-Rec 3秒預錄及Smile Mode功能，可在拍片途中自動將笑樣拍低保存；SDX1開機速度同樣地可快至1秒，揭芒即拍。