每個人對成功的定義不同。近日發現它有了新意思：「闖出自主人生路，不去重蹈父母的覆轍，也是一種成功。」見於某朋友在Facebook上有感而發。

雖未正式統計過，有幾多人會視自己雙親（或單親），為模仿、學習的榜樣？但普遍的想法是：「阿媽（老竇）做嘅我唔做，就算做，都要比他們做得出色，總之，我同佢哋就唔一樣！」甚至將父母當作反面教材……意想不到呢？

面對兒女反叛，不聽教聽話，家長好多時的反應，變得冷言冷語。子女所作選擇，只要不符合家長當初的計劃安排，好容易會聽到：「你又學人做×××呀，唔適合你嘅、實撞板嘅、注定失敗嘅……你不跟我那一套，死梗㗎！」類似的說話，是父母給子女的另類激勵。

年輕一代，愈得不到支持，愈躍躍欲試，好證明自己的能力：「哼，你不相信我做得到？我就偏要做出成績來！」哦，原來，「潑冷水」是表達母愛的一種方式。

換轉另一個角度，假使有日，父母見到子女比自己優勝；生活得比自己好；創出新的人生路，會有甚麼感想？老懷安慰？有點尷尬，因為當天投過反對票？感到不安，怕兒女離巢，再不需照顧？自卑，覺得失去價值？自豪，以兒女為榮，四圍炫耀？

大家贊同進化論，認為人類社會在進步中嗎？

臨床心理學家