最近周秀娜（Chrissie）被拍到去當舖變賣鑽石頸鏈，更識做地將錢拿去買燕窩及花膠給男友Avis媽媽賀年，實行走「奶奶政策」。不過她卻被Avis踢爆她「左袋入右袋」，補品全數由她自己歎番！

早前Chrissie與莊思敏等人齊齊在綜藝節目上贏得一條鑽石頸鏈，但因一條頸鏈不能分給數名女生戴，故二人被拍得去當舖變賣首飾。

Chrissie在桃花樹下許願，Avis在旁睇到實。	周秀娜寄望虎年事業更上一層樓。	對着男友，Chrissie笑得特別可愛。

當中Chrissie坦言：「咁多女仔贏得一條鑽石頸鏈，都幾難分，加上新年前大家又要用錢，所以我哋都一致贊成。」

出年要加碼

獲分到一萬元的她特意拿獎金買燕窩及花膠給男友Avis的媽媽賀年，實行借花敬佛走「奶奶政策」，可惜卻遭Avis踢爆她的「孝心」，直說：「佢係買咗好多燕窩同花膠上嚟，但媽咪一整都會預埋佢嗰份，仲話佢做嘢辛苦，所以留番最大碗畀佢！」Chrissie聞言即笑笑口補飛道：「咁出年要加碼喇！」

鬥氣小冤家

二人除了口舌互不相讓外，又互搶利是耍花槍。其後他們到桃花樹下許願，Chrissie誠心地合上眼，在旁的Avis即扮偷聽女友許願兼擺出生氣的樣子，而當Avis許願時，Chrissie又作狀扭他耳仔，十足一對鬥氣小冤家。

文：專案組　攝：黎志輝

化妝：Jonathan_Y（Chrissie）

髮型：Wil@Chin G.（Chrissie）Charisma（Avis）

場地：ifc