洪卓立（Ken）早前忙於拍攝劇集《魚躍在冬季》，與張智霖、謝天華合作，因為要日夜顛倒開工，工作壓力很大，令他感到十分辛苦。

至於Ken的減壓方法，就是聽歌、睇書、睇動畫，他說：「自己本身係日本漫畫迷，好鍾意睇《鋼之煉金術師》，不過呢部漫畫仲未完。」最近，阿Ken就情迷早前J2台播出的動畫《黑執事》，他說：「我最鍾意男主角『謝爾』（譯音），故事講謝爾父母雙亡，喺逆境中以自己靈魂換取黑執事（魔鬼）的幫忙復仇，雖然身邊有魔鬼黑執事，但就好似管家咁幫佢解決問題。」

阿Ken認為《黑執事》內容反映人性：「做人黑白係要分清楚，其實每個人都有兩面，不過結局卻是謝爾被魔鬼黑執事噬食靈魂，令我覺得好傷感。」阿Ken聽聞《黑執事》將播出第二輯，他希望謝爾可以復活，有一個圓滿結果。