榮升黎明嫂的樂基兒（Gaile）更加唔憂做，每年冬天也會冬眠放大假，昨日她出席活動時，宣告昨日是她今年在港的最後一場騷，之後便開始放悠長假期，還向記者預早講聖誕快樂，有老公養果然零舍唔同。

昨日Gaile、Lisa S.與陳嘉容為Toppy旗下時裝品牌行騷，完騷後Gaile心情大靚，主動宣布此一時裝騷是她今年在港的最後一場騷，之後便放大假，問到心情，她風騷的說：「心情OK啦，不過有少少攰。我喺大陸仲有幾個活動，都係之前一早應承咗嘅工作，要下年先見大家喇，拜拜！」

樂基兒、陳嘉容

樂基兒放假在即，昨日搏命的換上多套新裝作示範。

早到的聖誕快樂

放假期間Gaile會否外遊？她坦言有機會會到美國探家人，但放假會以休息為主，並開心地說：「好開心，冬天可以食好多嘢。（唔怕肥咗返嚟？）唔緊要，下年春天先算。」說罷Gaile便轉身走，未幾，她突然折返並說：「聖誕快樂，唔係喎！下個月會有個活動，係我自己設計嘅時裝發布會，不過我唔係做模特兒。」

Lisa S.放慢非急退

同場行騷的還有Lisa S.，她急急澄清自己並非退休，還請來公司同事為她翻譯，指Lisa直至年尾還有很多場時裝騷，但下年則會減少行騷，集中司儀及VJ方面發展，Lisa說：「見到話我退休嘅報道我都覺得好奇怪，好多客戶都打嚟問我係咪真係唔做，我唔會唔做，我好愛你哋，只係想放慢腳步。」

Lisa S.澄清並非即時退休，只係想放慢腳步。

右起：Lisa S.、樂基兒與陳嘉容一起謝幕。

文：名人組