久未露面的唐麗球昨日帶同六歲大的女兒紫禧出席活動，並透露女兒成功升讀心水小學的一年級，令她放下心頭大石。問她湊女是否壓力很大？她笑說：「依家好好多喇，通常小朋友有病都喺五歲之前，同埋依家又搵埋小學，所以放心晒，希望有時間可以工作，（做幕前？）唔會喇，最多都係做幕後。」

唐麗球表示希望女兒小學就讀男女校，而中學就讀女校，因為希望女兒從小可以接觸異性，學懂如何跟不同的人相處。

近日拋胸露臂的o靚模熱潮席捲全港，問唐麗球會否不讓女兒看G模？她笑說：「佢仲細，未識住，不過佢平時都係睇卡通片同新聞多，所以都唔擔心。」