o靚模尹蓁晞（Yumi）早前與髮型師Jamie密會及被指援交，鬧得滿城風雨，傳與Yumi不和的趙碩之（Wylie）卻毫不留情向師妹落毒針，暗指Yumi濫交！而「男主角」Jamie則澄清與Yumi拍拖時並無一腳踏兩船，更直斥Wylie處理方法不合理，隔空對罵。
昨日，Wylie和模特兒王珈晴（Bibe）應邀出席apm達人夜書巿活動，以性感cosplay造型上陣，吸引大批巿民圍觀。對於師妹Yumi被指與髮型師Jamie過從甚密，並傳出援交之說，身為師姐的Wylie無出口相助，還踩多兩腳說：「公眾人物拍拖要識處理，我唔知援交嘅定義，佢哋拍拖兩個月唔算援交，援交都唔係喺身邊人落手，唔係網上搵嘅咩？」Wylie續踢爆Jamie本身有要好女友，暗指Yumi撬牆腳：「Jamie係我哋用開嘅髮型師，大家都知佢有個好好嘅女友，Yumi都知，佢咁做係唔恰當。」
Jamie扯火反駁
對於Yumi被拍得與Jamie到酒店，Wylie大呼過分：「可能男女之間情到濃時啦，咁佢係成年女仔！」但當被問到Yumi為人，Wylie即作O嘴狀，反叫記者問其他問題，最後敵不過記者再三追問，她說：「佢男女關係好混亂！Yumi收錢可能真係買嘢收番錢，不過佢都幾手緊！」講到Yumi手緊，Wylie忽然轉軚話想幫師妹，但最後Wylie卻再加一腳：「但呢件事真係唔啱，男女關係唔可以咁亂，太出面！」
本報就此致電Jamie，對於Wylie的過火回應，他感到莫名其妙，並澄清與Yumi拍拖時並無一腳踏兩船：「唔知Wylie喺邊度聽番嚟，我同佢唔熟，唔會覺得佢了解我嘅私人感情生活，總之我同Yumi一齊時，我係冇女友，我哋亦都冇同Wylie講過我哋拍拖！」Jamie又謂希望事件盡快平息，不想令家人擔心。
Bibe出書先校對
另外，剛與杜德偉分手的Bibe自爆現時不敢拍拖，坦言與杜德偉的感情已成過去式，被問到是否深受傷害？她說：「我唔想再做豆腐，一擲即散！」此外，Bibe透露計劃明年出書做才女，她坦言：「我得中五學歷，所以一定會搵校對，對清楚內文有冇錯字，唔想出嚟有錯字要出第二版！」擺明揶揄早前出書錯字多多的鄧麗欣。
文：名人組