何鴻燊今年與獎項特別有緣，繼早前獲美國博彩業協會頒授G2E Asia卓越遠見成就獎後，昨晚又獲頒發「2009年萬寶龍國際藝術贊助大獎」，以表彰他支持及培育教育、藝術和文化活動方面的貢獻。

昨晚在洲際酒店舉行的頒獎晚宴，何鴻燊二房女兒及女婿到場支持，何超儀更應記者要求當眾吻賀爹哋面珠，令何生笑逐顏開，他說：「今日佢最乖，最早到，由細到大佢都好靚，唯一仲未肯生BB，我啲女個個靚，共有四個最靚，佢係其中一個最靚，其他三個唔講啦，你哋自己諗，不過我好公道，啲女乖過啲仔，啲仔娶老婆後就唔見人，反而啲女晚晚見到。」對於得獎感受，他又發揮幽默本色，說：「得獎因為我有墨水，萬寶龍係墨水筆，要揀有墨水嘅人，我識幾國語言。」

對於父親催她生BB一事，超儀笑言自己正值花樣年華，希望過幾年後才考慮做媽咪。