全球最大資產管理公司貝萊德高層大讚內地共享單車行業，價值在於啲單車設計？環保？為緩解公共交通壓力作出貢獻？No噃，佢睇中嘅係數據。
「啲公司知道啲單車被人踩咗去邊，甚至係幾時踩以及乜人踩。」貝萊德股票環球主管Mark Wiseman仲話，「我唔怕話你知，作為投資者，我願意畀好多錢去攞呢啲數據。」
Wiseman認為，數據能夠令即使係最古老嘅行業，都變得有利可圖，共享單車只係其中一個例證。佢仲警告話，「如果你唔信技術正改變緊你嗰行，咁你就死硬！」
難怪內地嘅共享單車行業吸引到數以十億美元計嘅投資，果然係邊度有數據，邊度就有金執！
余絲韻