瑞信發表最新研究，二○一四年調查咗全球3,400間企業，結果發現啲企業有女CEO（行政總裁）的話，平均股本回報比男CEO嗰啲公司高出19%，股息亦派多約9%。
報告指出，當一間企業嘅女高管佔多數，其銷售表現以及投資項目嘅現金流回報都會提升，而企業槓桿比率會低啲，負債亦少啲。
如果企業高管有25%係女性，其平均五年嘅股本回報為22.8%；如果女高管佔比再多啲去到33%以上的話，平均回報再多啲，去到25.6%！嗱嗱嗱，若超過一半高管係女人嘅話，平均回報高達28.7%！
根據呢個結果反映，間公司愈多女性任職高管，間公司回報就愈高。唔通「怕老婆會發達」係真嘅？！
余絲韻